白B死了。。。

2006年6月1日，我同白B正式相遇。2006年6月15日，白B過世。

短短相遇半個月時間，有苦有樂，但我好肯定一點，樂比苦多。因為我覺得我養得佢，就一定要令佢健康快樂成長，唔可以因為佢賴小小屎尿就嫌棄佢。可惜，佢冇機會再睇呢個世界。白B長埋係泥土之下。

我係公司樓下個小花圃到掘窿，一邊掘，個天一邊落雨，就好似我嘅心情。我用毛巾將白B包好，放到窿入面，再將泥蓋上去。我將白B埋係公司樓下，係希望以後每日返工放工都可以去探下佢，知道佢就係附近。插上白B嘅墓碑，天突然就變落得好大雨，行起雷，週圍嘅車都防盜BB作響，就好似白B叫我抱佢時嘅叫聲一樣。。。

希望係白B記憶中，同我一齊嘅時光係快樂，而唔係痛苦回憶。希望再有機會，可以帶佢睇多啲呢個世界。。。